Mae Griffiths yn falch o fod yn darparu\u2019r gwaith dylunio ac adeiladu ar Bont Devon Place ar ran Cyngor Dinas Casnewydd, yn dilyn cyfnod llwyddiannus o ymwneud cynnar gan gontractwr. Mae\u2019r adeiledd trawiadol wedi\u2019i gynllunio i ddarparu llwybr teithio llesol cyfunol yn pontio dros Orsaf Drenau Casnewydd. Mae\u2019r bont yn rhan annatod o strategaeth datblygu teithio llesol ehangach ar gyfer Casnewydd ac mae\u2019n cysylltu Ffordd y Frenhines ger canol y ddinas \u00e2\u2019r ardaloedd preswyl o amgylch Devon Place. Bydd y bont yn cymryd lle\u2019r danffordd sy\u2019n cysylltu\u2019r ddwy ardal ar hyn o bryd ond sydd \u00e2 mynediad trwy risiau yn unig ac sydd hefyd wedi bod yn safle ar gyfer gweithgaredd troseddol.<\/p>\n
Yn ystod cyfnod y Nadolig, llwyddodd Griffiths a\u2019n partneriaid strategol yn y gadwyn gyflenwi i osod prif lwyfannau\u2019r bont a\u2019r rhannau sy\u2019n eu cynnal dros gyfnod y bu\u2019r rheilffordd ar gau am 54 awr a ddechreuodd am hanner nos ar Noswyl Nadolig. Mae hyn yn nodi carreg filltir bwysig yn y rhaglen adeiladu ac yn dilyn misoedd o waith paratoi gan Griffiths a\u2019n cadwyn gyflenwi. Cafodd y gwaith gosod ei gwblhau mewn 24 awr ac ynghynt na\u2019r rhaglen. Dywedodd Joanne Gosage o Gyngor Dinas Casnewydd:<\/p>\n
\nDiolch yn fawr i chi am holl waith y t\u00eem ar y prosiect hwn ac yn enwedig heddiw pan oedd y gwaith paratoi a\u2019r amseru mor bwysig. Mae wedi eich amlygu chi a\u2019ch contractwyr yn y goleuni gorau posib yn broffesiynol. \u00a0Roedd yn hyfryd gweld y darnau\u2019n cael eu codi i\u2019w lle o\u2019r diwedd ac rwy’n edrych ymlaen at weld y prosiect yn gwneud cynnydd gwych yn y Flwyddyn Newydd.<\/p>\n<\/blockquote>\n
Roedd y gwaith gosod yn benllanw misoedd o gynllunio ac adeiladu, wedi i\u2019r gwaith ar y sylfeini ddechrau ym mis Medi 2021. Mae\u2019r Prosiect wedi gweld 9 o byst sylfaen yn cael eu gosod, Cyfarpar y Llinellau Uwchben yn cael eu haddasu a gweithfeydd dros dro sylweddol yn cael eu hadeiladu i gadw rhannau\u2019r bont ar gyfer gwaith weldio a pheintio cyn eu osod ac i gynnal y craen 550 tunnell a ddefnyddiwyd i osod rhannau\u2019r bont dros gyfnod y cau. Griffiths ydy\u2019r Prif Ddylunydd a\u2019r Prif Gontractwr ar y Prosiect i Gyngor Dinas Casnewydd, gyda\u2019r rhanddeiliaid allweddol, Network Rail a Trafnidiaeth Cymru yn helpu i hwyluso\u2019r gwaith i\u2019r Cyngor. Cafodd y bont ei chynllunio gan Cass Hayward a chafodd ei chynhyrchu a\u2019i chodi gan y contractwr gwaith dur ProSteel Engineering – y ddau yn gwmn\u00efau sydd wedi\u2019u lleoli yn Ne Cymru.<\/p>\n
Mae gwaith adeiladu ar gyfer gweddill y bont yn parhau ac mae disgwyl i\u2019r bont agor yn ddiweddarach eleni.<\/p>\n
<\/p>\n