Yn Griffiths, rydyn ni\u2019n deall bod gennym ran hanfodol yn y gwaith o fynd i\u2019r afael ag argyfwng yr hinsawdd. Felly, rydyn ni wedi bod yn gweithio\u2019n galed i ganfod ffyrdd arloesol o weithio\u2019n fwy clyfar, yn fwy diogel ac mewn modd mwy amgylcheddol gyfeillgar.<\/p>\n
Er bod adeiladu yn hanfodol er mwyn creu byd gwell, rydyn ni\u2019n gwybod bod y gwaith yn gyfrannwr arwyddocaol at effeithiau amgylcheddol, felly ein cenhadaeth ni ydy creu busnes cynaliadwy ar gyfer cenedlaethau\u2019r dyfodol.<\/p>\n
Rhan o\u2019r daith tuag at Sero Net ydy\u2019r hyn rydyn ni wedi bod yn ei wneud mewn perthynas ag effaith ein Peiriannau a\u2019n Cludiant ar yr amgylchedd. Mae ein Cyfarwyddwr Peiriannau a Chludiant, Adrian Davies a\u2019i d\u00eem o weithwyr proffesiynol angerddol yn benderfynol o adael \u00f4l-troed cadarnhaol a llywi dyfodol y diwydiant adeiladu. Maen nhw eisoes yn gwneud cynnydd clodwiw tuag at gyflawni\u2019r nod hwn.<\/p>\n
Un o\u2019r mentrau newydd y mae\u2019r t\u00eem wedi bod yn gweithio\u2019n galed arni ydy cyflwyno technoleg glyfar i reoli peiriannau.<\/p>\n
Dywedodd Adrian Davies: \u201cMae technoleg rheoli peiriannau GPS wedi bod gyda ni ers pum mlynedd gyda nifer o wneuthurwyr gwahanol, ond roeddwn i\u2019n gwybod bod yna ffordd fwy effeithiol o weithio.\u201d<\/p><\/blockquote>\n
Ym mis Mehefin 2022, dechreuodd Griffiths ar brosiect uchelgeisiol, gan weithio\u2019n agos gyda Sealand Survey Centre i ddatblygu system wedi\u2019i theilwra i ateb anghenion Griffiths. Cafodd technolegau rheoli peiriannau Topcon a meddalwedd Sitelink3D eu hymgorffori yn ein system, ac mae wedi newid pethau\u2019n gyfan gwbl. Mae modd bellach i ni gysylltu o bell \u00e2\u2019n peiriannau o unrhyw le yn y byd, gwirio cynhyrchiant dyddiol, cael diagnosis ar gyfer unrhyw namau, ac yn bwysicaf oll, defnyddio ein meddalwedd clyfar i ganfod gwelliannau effeithlonrwydd er mwyn lleihau ein h\u00f4l-troed carbon.<\/p>\n
Eglurodd Adrian: \u201cMae ein gweithredwyr wedi cydio\u2019n gadarn yn y dechnoleg rheoli peiriannau. A dweud y gwir, y sylwadau dw i\u2019n eu clywed ganddyn nhw ydy \u2018sut roedden ni\u2019n ymdopi cyn cael technoleg rheoli peiriannau Topcon a Sitelink3D?\u2019 Mae\u2019r manteision rydyn ni\u2019r eu profi yn enfawr. Ar ein Cynllun ar yr A40 i Lywodraeth Cymru, er enghraifft, mae Sitelink3D a thechnoleg rheoli peiriannau yn ein helpu i ddarparu llwybr teithio llesol yn effeithlon drwy leihau\u2019r amser segur, sydd yn ei dro wedi gwella cynhyrchiant a lleihau\u2019r amser y bydd ein peiriannau a\u2019n cyfarpar yn troi\u2019n segur \u2013 ac mae hyn oll yn helpu i gael llai o wastraff a defnydd carbon ac i adeiladu mewn modd llawer mwy cynaliadwy.<\/p><\/blockquote>\n
\u201cRydyn ni wedi cyflwyno\u2019r technolegau hyn i\u2019n holl safleoedd, gan gynnwys Bae Colwyn, ble cawson ni\u2019r dasg o leihau erydu ar yr arfordir. Drwy ddefnyddio technoleg rheoli peiriannau, gallwn ni osod pob un carreg floc ar yr union ongl i sicrhau\u2019r gostyngiad mwyaf posib yn egni\u2019r tonnau.<\/p><\/blockquote>\n
\u201cMae technoleg rheoli peiriannau wedi helpu wrth adeiladu systemau diogelu rhag llifogydd ym Mhont Dyfi hefyd. Unwaith eto, gwnaeth hyn leihau amser segur y peiriannau er mwyn sicrhau y gallen ni gwblhau\u2019r prosiect cyn gynted \u00e2 phosib er cyfleustod a diogelwch y gymuned gyfagos.<\/p><\/blockquote>\n
\u201cYn y pen draw, mae\u2019r newidiadau i\u2019r ffordd rydyn ni\u2019n cyflawni pob prosiect yn ein helpu i frwydro yn erbyn y newid yn yr hinsawdd ac i adeiladu ar gyfer y dyfodol.\u201d<\/p><\/blockquote>\n
Peidiwch \u00e2 dibynnu ar air Adrian yn unig yngl\u0177n \u00e2 hyn. Dywedodd Andrew Clifton, sy\u2019n Uwch Beiriannydd Cefnogi yn Topcon Positioning GB: \u201cGan gydweithio \u00e2 phartner dosbarthu Topcon, Sealand Survey Centre, mae Griffiths wedi bod yn defnyddio datrysiadau Topcon i wella cynhyrchiant a lleihau costau, ac ar yr un pryd, wedi bod yn gwella diogelwch a lleihau eu h\u00f4l-troed carbon er mwyn helpu i frwydro yn erbyn y newid yn yr hinsawdd. Rydyn ni wrth ein bodd gyda\u2019r effaith gadarnhaol y mae technoleg Topcon wedi\u2019i gael ar brosiectau Griffiths \u2013 mae\u2019n hyfryd gweld busnes mor flaengar sydd wedi cydio o ddifrif mewn technoleg adeiladu digidol. Rydyn ni\u2019n edrych ymlaen at weithio gyda Griffiths a Sealand Survey Centre ar lawer o brosiectau eraill.\u201d<\/em><\/p>\n
Yn Griffiths, rydyn ni\u2019n deall na fyddai dim o hyn wedi bod yn bosib heb gefnogaeth Luke McHugh, Rheolwr Gyfarwyddwr Sealand Survey Centre, ei Cyfarwyddwr Technegol, Matthew Ingram a\u2019u t\u00eem anhygoel. Rydyn ni\u2019n annog gweithredwyr peiriannau eraill i ddilyn ein harweiniad ac i gydio\u2019n gadarn mewn technoleg rheoli peiriannau.<\/p>\n
Dywedodd Luke McHugh: \u201c Griffiths oedd y cyntaf yn y Deyrnas Unedig i redeg nifer o safleoedd o bell drwy ddefnyddio cefnogaeth o bell, trosglwyddo ffeiliau, adroddiadau awtomatig ar ganlyniadau adeiladu ac adroddiadau am bwysau ar y tryciau halio drwy Sitelink3D.<\/p>\n
Drwy ddiweddaru fflyd Griffiths sydd \u00e2 Thechnoleg Rheoli Peiriannau, mae Adrian wedi cael gostyngiad o 80% yn y galwadau allan i safleoedd ac mae\u2019r safleoedd bellach yn gallu gweithio\u2019n fwy diogel ac effeithlon drwy ddefnyddio\u2019r dechnoleg ddiweddaraf. Mae hyn oll wedi sicrhau fflyd fwy cynaliadwy i Adrian.\u201d<\/p><\/blockquote>\n
Mae Griffiths yn credu\u2019n gryf mewn rhannu\u2019r arferion gorau er lles yr amgylchedd a bydden ni\u2019n annog cwmn\u00efau adeiladu eraill i ystyried y dull arloesol hwn o ddefnyddio technoleg rheoli peiriannau. Mae croeso i gydweithwyr o\u2019r holl sector gysylltu \u00e2 ni er mwyn sicrhau ein bod yn gweithio gyda\u2019n gilydd tuag at ddyfodol mwy cynaliadwy i\u2019r holl ddiwydiant adeiladu.<\/p>\n
Gwyliwch y fideo hwn i gael gwybod sut cafodd hyn ei gyflawni!<\/p>\n